İranın xarici işlər naziri Abbas Əraqçi Rusiya prezidenti Vladimir Putinlə görüşdən sonra Tehranın Moskvanın həmrəyliyini və diplomatik dəstəyini alqışladığını bildirib.
Sitat.info xəbər verir ki, nazir bu barədə X hesabında paylaşım edib:
“Regionda baş verən əhəmiyyətli dəyişikliklər fonunda Rusiya ilə ən yüksək səviyyələrdə əlaqə qurmaqdan məmnunuq. Son hadisələr strateji tərəfdaşlığımızın dərinliyini və gücünü təsdiqləyib. Həmrəyliyə görə minnətdarıq və Rusiyanın diplomatik fəaliyyətdəki dəstəyini alqışlayırıq".
Paylaşıma Əraqçinin Putin və Rusiya xarici işlər naziri Sergey Lavrovla birlikdə çəkdirdiyi fotoşəkillər əlavə olunub.
