İtaliya A Seriyasının 2025/2026 mövsümünün 34-cü turunda “Milan” və “Yuventus” komandaları qarşılaşıb.
90deqiqe.Az-ın məlumatına görə, oyun Milanda yerləşən “San-Siro” stadionunda keçirilib. Qarşılaşmanın baş hakimi Simone Sozza olub. Matç 0:0 hesablı heç-heçə ilə başa çatıb.
Görüşün 36-cı dəqiqəsində “Yuventus”un yarımmüdafiəçisi Kefren Tyuram-Yulien fərqlənsə də, qol qayda pozuntusuna görə ləğv edilib. “Milan”ın yarımmüdafiəçisi Luka Modriç 79-cu dəqiqədə zədə səbəbindən meydanı tərk edib.
“Milan” 34 oyundan sonra 67 xalla İtaliya çempionatında üçüncü pillədə qərarlaşıb və ikinci yerdə olan “Napoli”dən 2 xal geri qalır. “Yuventus” isə 64 xalla dördüncü pillədə yer alır.
