Dövlət qurumları arasında Ulu Öndər Heydər Əliyevin xatirəsinə həsr olunmuş IV minifutbol turnirinin finalçıları məlum olub.
90deqiqe.Az xəbər verir ki, aprelin 26-da keçirilən ilk yarımfinal oyununda “Azərişıq” ASC Ədliyyə Nazirliyinə 1:0 hesabı ilə qalib gəlib. Digər yarımfinal görüşündə isə SOCAR Baş Prokurorluq komandasını 2:0 hesabı ilə məğlub edib.
Turnirə mayın 7-də Bakı Tennis Akademiyasında yekun vurulacaq. Finalda “Azərişıq” ASC ilə SOCAR komandaları qarşılaşacaqlar. Üçüncü yer uğrunda oyunda isə Ədliyyə Nazirliyi və Baş Prokurorluq kollektivləri üz-üzə gələcəklər.
