futbolpress-az saytından alınan məlumatlara görə, ain.az xəbər verir.
Misli Premyer Liqasının XXIX turunun “Şamaxı” – “Kəpəz” oyunundan (2:0) sonra qonaq komandanın baş məşqçisi Azər Bağırov jurnalistlərin suallarını cavablandırıb.
Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb:
– Artıq 4 turdur, məğlub oluruq. Bu, komandanı pis vəziyyətə salıb. Diqqətsizliyimiz oyunun qırılma nöqtəsi oldu.
– Gec gəlməyiniz nə ilə bağlı idi?
– Futbolçularla birlikdə olmağımıza görə.
– Komanda sanki meydana məğlub çıxmışdı…
– İkinci hissə üstünlüyümüz ilə keçdi. Qol da vurduq, sayılmadı. Yarımmüdafiədə itirdiyimiz topdan sonra rəqib fərqləndi. Futbolçulara tapşırmışdıq ki, orta xəttdə belə səhvlərə yol verməsinlər, təəssüf…
– Klub ətrafında söz-söhbətlər var və bu, komandaya təsir edir. “Kəpəz”də nə baş verir?
– Allah hər şeyi görür. İşimi vicdanla yerinə yetirməyə çalışıram. Kiminsə arxada nəsə etməsinə məşqçi kimi fikir vermirəm.
– Rəhbərliyin dəstəyini hiss edirsiniz?
– Bəli, dünən də görüşmüşük. Komandaya tövsiyələrini veriblər.
– Komandanın pley-offda kim olsa, onu məğlub etmək gücündədir?
– Qarşıda dörd tur var. Pley-off haqda düşünmək istəmirəm.
– Adınız başqa klublarla hallanır…
– Bu gün “Kəpəz”dəyəm, sabah necə olacaq, Allah bilir. Əsas odur, işimi vicdanla görməyə çalışıram. “Şamaxı”da Elmar Baxşıyevin, Tərlan Əhmədovun da adı çəkilir.
– Gedəcəksiz, ya qalacaqsınız?
– İndi burdayam, başqa nəsə demək istəmirəm.
Şahin Cəfərov
Daha ətraflı məlumat və yeniliklər üçün ain.az saytını izləyin.
