Demokrat.az saytına istinadən ain.az xəbər verir.
Məşhur aktrisa Keyt Uinslet və müğənni Robbi Vilyamsın açıqlamaları dünyada yeni müzakirə dalğası yaradıb. Onlar yaşla bağlı azalan enerjini və itmiş həyat eşqini testosteron əvəzləyici terapiyası (TRT) sayəsində bərpa etdiklərini bildiriblər.Son illər bu üsula müraciət edənlərin sayı kəskin artsa da, mütəxəssislər hər kəsi ehtiyatlı olmağa çağırır.Testosteron yalnız "kişi hormonu" kimi tanınsa da, qadın orqanizmində də mühüm rol oynayır. Həkim Luiza Nyuson bildirir ki, bu hormon beyin sağlamlığından tutmuş əzələ kütləsi və sümük sıxlığına qədər hər şeyə təsir edir. Xüsusilə 40 yaşdan sonra səviyyəsi təbii olaraq düşən bu hormonun əskikliyi halsızlıq, yaddaş zəifliyi və depressiv əhval-ruhiyyə ilə özünü göstərir. Terapiya alan bir çox xəstə diqqət dağınıqlığının aradan qalxdığını və fiziki güclərinin geri döndüyünü vurğulayır.Terapiyanın faydaları cəlbedici görünsə də, risklər kifayət qədər ciddidir. Ekspertlər xəbərdarlıq edir ki, nəzarətsiz istifadə qan laxtalanması, ürək-damar problemləri və bəzi xərçəng növlərinin stimullaşdırılmasına səbəb ola bilər. Xüsusilə 65 yaşdan yuxarı şəxslərdə və xroniki ürək xəstəliyi olanlarda TRT tətbiqi fəsadlar yarada bilər.Həkim Devid Vaynşteyn qeyd edir ki, hormon terapiyası sehrli çubuq deyil. Sağlam qidalanma, keyfiyyətli yuxu və müntəzəm idman olmadan edilən müalicə gözlənilən nəticəni vermir. Hormon səviyyəsini ölçdürməzdən əvvəl həyat tərzini nizama salmaq və mütləq peşəkar tibbi müayinədən keçmək şərtdir. Hazırda bu terapiya yalnız ciddi klinik çatışmazlıq hallarda tövsiyə edilir.İsmayıl
Demokrat.az
Daha ətraflı məlumat və yeniliklər üçün ain.az saytını izləyin.
