Şəhbaz Şərif İranın xarici işlər naziri ilə Islamabadda keçirilən görüşdə regional vəziyyət və ikitərəfli münasibətləri müzakirə etdiyini bildirib...
Poliqon xəbər verir ki, Pakistanın baş naziri Şəhbaz Şərif İranın xarici işlər naziri Abbas Əraqçi ilə Islamabadda keçirilən görüşü barədə danışıb. Şərif sosial şəbəkə X-də yazdığı paylaşımda bildirib: “Bu gün Islamabadda İranın xarici işlər naziri Əlahəzrət Seyid Abbas Əraqçi və onun nümayəndə heyəti ilə görüşməkdən məmnun oldum. Regionda hazırkı vəziyyətlə bağlı çox isti və səmimi fikir mübadiləsi apardıq. Biz həmçinin Pakistanla İran arasında ikitərəfli münasibətlərin daha da möhkəmləndirilməsi də daxil olmaqla, qarşılıqlı maraq doğuran məsələləri müzakirə etdik.”
Xatırladaq ki, İran nümayəndə heyəti Pakistana rəsmi səfər edib. Lakin bir sıra KİV-in iddialarının əksinə olaraq, İran İslamabada ABŞ-la danışıqlarda iştirak etmək məqsədilə gəldiyini rədd edib. Tehran rəsmən bildirib ki, səfərin məqsədi ikitərəfli münasibətləri inkişaf etdirmək və regional məsələləri müzakirə etməkdir. Pakistan rəsmiləri də bu məsələyə aydınlıq gətirərək, İran nümayəndə heyətinin səfərinin heç bir üçüncü tərəflə dolayı danışıqlarla əlaqəli olmadığını vurğulayıb.
Poliqon.info
