Demokrat.az portalından verilən məlumata əsasən, ain.az bildirir.
"Instagram" platforması sanki keçmişə, filtrsiz və təbii anlara qayıtmaq üçün yeni addım atıb. Şirkət insanların mükəmməl görünmək qayğısından uzaqlaşıb, real həyatlarını olduğu kimi paylaşması üçün "Instants" adlı yeni tətbiqini istifadəyə verib.Demokrat.az xəbər verir ki, "TechCrunch" nəşrinin yaydığı məlumata görə, yeni xidmət artıq İspaniya və İtaliyada sınaqdan keçirilir. Bu tətbiq vasitəsilə göndərilən fotolara yalnız bir dəfə baxmaq mümkündür və onlar 24 saat ərzində sistemdən tamamilə silinir."Instants"ın əsas fərqi ondadır ki, burada fotoları redaktə etmək və ya qalereyadan hazır şəkil yükləmək mümkün deyil. İstifadəçilər yalnız tətbiqin kamerası ilə o anı çəkməli və ən çoxu üzərinə kiçik bir mətn əlavə etməlidirlər. Bu yanaşma "Snapchat" və "BeReal" kimi platformaların populyarlaşdırdığı "təbiilik" trendinə cavab olaraq hazırlanıb.Hazırda həm iOS, həm də Android sistemlərində əlçatan olan tətbiq, əslində "Instagram"ın daxilində bir funksiya kimi yoxlanılırdı, lakin artıq müstəqil proqram kimi fəaliyyət göstərir. İstifadəçilər paylaşdıqları anları qarşılıqlı izləyiciləri və ya "yaxın dostlar" siyahısı ilə bölüşə bilərlər. Şirkət nümayəndələri bildirirlər ki, bu layihə hələlik eksperimental xarakter daşıyır və məqsəd insanların daha səmimi ünsiyyət qurmasına şərait yaratmaqdır.İsmayıl
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
