Con Felanın vəzifədən azad edilməsi onun özü və yaxın köməkçiləri üçün gözlənilməz olub...
Poliqon xəbər verir ki, bu barədə The Wall Street Journal nəşri məlumat yayıb.
Nəşrin məlumatına görə, ABŞ Hərbi Dəniz Qüvvələrinin naziri Con Felan və onun ən yaxın köməkçiləri vəzifədən azad olunma xəbərini Pentaqon sözçüsü Şon Parnellin sosial şəbəkədə paylaşdığı açıqlamadan öyrəniblər.
Mənbələrin sözlərinə görə, Ağ Evdə bəzi rəsmilər müharibə naziri Pit Heqsetin həyata keçirdiyi kadr dəyişikliklərindən narazıdırlar. Xüsusilə bu narazılıq Hərbi Dəniz Qüvvələrinin İran limanlarına qarşı mürəkkəb blokadanın icrasını təmin etdiyi bir vaxtda daha da artıb.
Tramp administrasiyasının yüksək vəzifəli nümayəndəsi qəzetə bildirib ki, Felan ABŞ Prezidenti Donald Trampdan vəzifəsində qalmasını xahiş edib. Qeyd olunur ki, Felan Trampın uzun illərdir dostu və qonşusudur. Lakin buna baxmayaraq, Tramp Heqsetin qərarını dəstəkləyib.
Beləliklə, ABŞ Hərbi Dəniz Qüvvələrində baş verən bu dəyişiklik Vaşinqtonda həm idarəçilik üslubu, həm də hərbi-siyasi qərarların qəbul mexanizmi ilə bağlı yeni müzakirələrə səbəb olub.
Poliqon.info
