İranın vitse-prezidenti İsfahani ölkənin neft infrastrukturuna qarşı hər hansı xarici hərbi müdaxiləyə qarşı bölgədəki digər enerji nəhənglərini hədəf alan kəskin bəyanatla çıxış edib.
Musavat.com xəbər verir ki, vitse-prezident İranın hədəf siyahısının tamamilə hazır olduğunu və ölkənin hər hansı bir neft yatağına zərbə endiriləcəyi təqdirdə, buna Səudiyyə Ərəbistanının neft obyektlərini vurmaqla cavab verəcəklərini bildirib. İsfahani Tehranın cavab strategiyasını bir "pilləkənə" bənzədərək, hadisələrin inkişafından asılı olaraq tədbirlərin səviyyəsinin mütənasib qisasdan tutmuş daha genişmiqyaslı eskalasiyaya qədər arta biləcəyini vurğulayıb.
Onun sözlərinə görə, İranın enerji sektoruna dəyəcək hər bir zərər regionun ümumi enerji təhlükəsizliyi üçün ağır nəticələr doğuracaq və cavab tədbirləri eyni intensivliklə həyata keçiriləcək.
Bu açıqlama onsuz da gərgin olan Fars körfəzi bölgəsində və qlobal neft bazarlarında ciddi narahatlıq yaradıb.
Ekspertlər İranın bu hədəsini həm İsrail və ABŞ-a qarşı bir çəkindirmə cəhdi, həm də regional tərəfdaşlar vasitəsilə Qərbə təzyiq rıçağı kimi qiymətləndirirlər. Hazırda Səudiyyə Ərəbistanı və digər körfəz ölkələrinin mümkün hava hücumlarından müdafiə tədbirlərini gücləndirdiyi bildirilir.
Musavat.com
