ABŞ-ın "Spruance" esminesindən İran sahillərindəki yük gəmisinə göyərtə toplarından atəş açılması ABŞ Hərbi Dəniz Qüvvələri (HDQ) üçün 38 ildən sonra ilk belə hadisə olub.
Â
Bu barədə "The War Zone" (TWZ) nəşri məlumat verib.
Â
"Dəniz gəmisindən başqa bir gəmiyə qarşı göyərtə topundan sonuncu təkzibolunmaz hal "Praying Mantis" əməliyyatı zamanı baş verib", - deyə ABŞ HDQ-nin adı açıqlanmayan nümayəndəsi portala bildirib.
Â
Oxu.az xatırladır ki, "Praying Mantis" əməliyyatı ABŞ Silahlı Qüvvələri tərəfindən 18 aprel 1988-ci ildə Fars körfəzində ABŞ freqatının İran minası tərəfindən batırılmasına cavab olaraq həyata keçirilib. Hərbi əməliyyatlar nəticəsində ABŞ İrana məxsus iki neft platformasını, bir freqatı və bir kateri məhv edib. O zaman "Praying Mantis" əməliyyatı ABŞ üçün İkinci Dünya müharibəsindən bəri ən böyük dəniz əməliyyatı olub.
Â
Aprelin 19-da ABŞ Mərkəzi Komandanlığı (CENTCOM) İranın Bəndər Abbas limanına doğru gedən "Touska" yük gəmisinin ələ keçirildiyini bildirib. Onların məlumatına görə, "Spruance" gəmisi 127 mm-lik "Mark 45" topundan gəminin mühərrik kabinəsinə bir neçə atəş açıb.
Â
