BAKI, 23 aprel. TELEQRAF
“Qarabağ”ın sabiq futbolçusu Yassin Benziya Azərbaycan Kubokunun yarımfinal mərhələsində Ağdam klubunun “Sabah”a uduzaraq (1:2) mübarizəni dayandırmasından sonra paylaşım edib.
Teleqraf xəbər verir ki, əlcəzairli futbolçu sosial şəbəkə hesabında sabiq komandasına qarşı ədalətsizlik edildiyini bildirib:
“Hakim. Ayıbdır. Ölkənin ən yaxşı komandasını məğlub etməyin yeganə yolu budur”.
Qeyd edək ki, Yassin Benziya 2023–2025-ci illərdə “Qarabağ”ın formasını geyinib. 31 yaşlı futbolçu hazırda Səudiyyə Ərəbistanının “Əl-Fayha” komandasında çıxış edir.
