ain.az, Qaynarinfo portalına istinadən məlumatı açıqlayır.
Almaniyada aparılan araşdırma çərçivəsində siçan beyinləri üzərində həyata keçirilən təcrübə elmi fantastika filmlərində tez-tez rast gəlinən "donduraraq saxlanma” texnologiyasını laboratoriya şəraitində gerçəyə bir addım daha yaxınlaşdırıb.
Qaynarinfo xəbər verir ki, bu yanaşma biologiyada zamanın dayandırılması ideyasını nəzəri müstəvidən praktik mərhələyə daşıyır.
Kosmik səyahətlərdə insan orqanizminin yaşlanmasını dayandırmaq və resurs istehlakını minimuma endirmək kimi perspektivlər səbəbindən uzun illərdir diqqət mərkəzində olan kriogenik dondurma texnologiyası əsasən buz kristallarının hüceyrə strukturlarını məhv etməsi problemi ilə üzləşirdi.
Alman alimləri bu problemi "şüşələndirmə” adlanan üsulla həll etməyə çalışıblar. Bu texnikada toxumalar xüsusi kimyəvi məhlullarla işlənir və daha sonra ani şəkildə maye azotla dondurulur. Nəticədə toxuma buz kristalları əmələ gətirmək əvəzinə şüşəyə bənzər, amorf bir quruluşa çevrilərək qorunur.
Yaddaş mərkəzi funksiyasını saxlayıb
Təcrübələrdə beynin öyrənmə və yaddaş funksiyalarına cavabdeh olan hipokampus bölgəsi istifadə edilib. Dondurulmuş beyin hissələri əridildikdən sonra toxuma strukturunun pozulmadığı və sinir hüceyrələrinin elektrik stimullarına reaksiya verməyə davam etdiyi müşahidə olunub.
Bu nəticə sinir hüceyrələri arasındakı əlaqənin prosesdən sonra da müəyyən dərəcədə qorunub saxlandığını göstərir. Hazırkı mərhələdə bu texnologiyanın "ulduzlararası səyahətlər mümkün olur” kimi nəticələr doğuracağı demək üçün erkən olsa da, onun orqan transplantasiyası üçün orqanların uzun müddət saxlanması və neyrobiologiya tədqiqatlarında beyin toxumalarının təkrar istifadəsi baxımından mühüm imkanlar yaradacağı bildirilir.
Aydın
Hadisənin gedişatını izləmək üçün ain.az saytında ən son yeniliklərə baxın.
