ABŞ rəhbərliyi İranın neft ixracını tamamilə məhdudlaşdırmaq üçün yeni və sərt addımlar atmağa hazırlaşır. Birləşmiş Ştatlar sanksiyalardan yan keçməyə çalışan, o cümlədən Çinə neft daşıyan İran tankerlərini dənizdə saxlamaq və geri qaytarmaq variantını istisna etmir.
KONKRET.az xəbər verir ki, bu barədə ABŞ-ın BMT-dəki daimi nümayəndəsi Mayk Uolts “ABC News” telekanalının efirində bəyanat verib. Diplomatın sözlərinə görə, Prezident Donald Tramp İranla yeni sazişə nail olmaq üçün hətta Uzaq Şərq və Sakit okean sularında belə İran gəmilərinə daxil olmağa (doqquzlamağa) və onları dayandırmağa göstəriş verib.
Uolts həmçinin bildirib ki, Maliyyə naziri Skott Bessent tərəfindən rəsmən elan edilən “İqtisadi Qəzəb” (Economic Fury) əməliyyatı çərçivəsində Tehran rejiminə qarşı “maksimum təzyiq” kampaniyası daha da intensivləşdiriləcək. Bu əməliyyat yalnız hərbi deyil, həm də İranın neft gəlirlərini tamamilə kəsməyə yönəlmiş əlavə iqtisadi məhdudiyyətləri nəzərdə tutur. Vaşinqtonun bu qətiyyətli mövqeyi regionda və qlobal neft bazarında gərginliyi pik həddə çatdırıb.
Natiq Səlim,
KONKRET.az
