Londonun şimal-qərbində yerləşən Harrou bölgəsindəki Kenton Birləşmiş Sinaqoquna hücumu edilib.
Bizim.Media “Sky News”a istinadən xəbər verir ki, hücumda sinaqoqu yandırmağa cəhd edilib.
Hadisə son günlərdə paytaxtda baş verən ikinci şübhəli antisemit nifrət cinayəti kimi qiymətləndirilir.
İcma Təhlükəsizlik Fondu bildirib ki, polis və yanğınsöndürmə xidmətləri gecə saatlarında hadisə yerinə cəlb olunub. Hücum nəticəsində binanın daxili hissəsində cüzi tüstülənmə olub, lakin xəsarət alan olmayıb və ciddi zərər qeydə alınmayıb.
London meri Sadiq Xan hadisədən sonra açıqlama verərək şəhərdə antisemitizmə yer olmadığını vurğulayıb.
Baş ravvin Efraim Mirvis isə hücumu “qorxaqlıq” adlandırıb və Böyük Britaniyada yəhudi icmasına qarşı zorakılıq və qorxutma hallarının artdığını bildirib. Onun sözlərinə görə, son hadisələr narahatedici tendensiyanın göstəricisidir.
Bu insident bundan cəmi bir gün əvvəl Londonun başqa bir hissəsində yəhudi xeyriyyə təşkilatına məxsus binaya edilən və antisemit nifrət cinayəti kimi araşdırılan yanğın hücumundan sonra baş verib.
Fondun sözçüsü qeyd edib ki, Finçli, Qolders Qrin və Hendon bölgələrində də oxşar hadisələr müşahidə olunub və son hücum dini obyektlərin hədəfə alındığını göstərir.
Hadisə ilə bağlı araşdırmalar davam edir.
Bizim.Media
