Qaynarinfo saytına istinadən ain.az xəbər verir.
Filmlərdə infarkt adətən gecə və ya güclü emosional stress anlarında dramatik şəkildə təsvir olunur. Lakin kardioloqların sözlərinə görə, real tibbi statistika bununla uyğun gəlmir.
Qaynarinfo xəbər verir ki, bu barədə "Prade" nəşri yazıb.
İnfarktın simptomları
Kardioloq Uilyam Jaffe bildirib ki, qadınlarda və kişilərdə infarktın simptomları fərqli ola bilər. Hər iki cinsdə sinə ağrısı və təzyiq hissi müşahidə olunsa da, qadınlarda əlavə olaraq narahatlıq, nəfəs darlığı, mədə pozuntusu, kürək, çiyin və qol ağrısı, eləcə də qeyri-adi yorğunluq kimi əlamətlər də ola bilər.
Həkimlər vurğulayırlar ki, infarkt təcili tibbi müdaxilə tələb edən vəziyyətdir və simptomları tanımaq həyati əhəmiyyət daşıyır.
Ən təhlükəli vaxt
Mütəxəssislərin sözlərinə görə, infarktın ən çox baş verdiyi zaman intervalı səhər saatlarıdır.
Kardioloq Nouvar Mustafa bildirib: "İnfarkt günün istənilən vaxtında baş verə bilər, amma ən çox səhər oyandıqdan sonra, saat 06:00-dan günorta saatlarına qədər müşahidə olunur".
Digər kardioloq Mazen Rumiya da bu fikri təsdiqləyib və səhər saatlarında infarkt hallarının daha çox olduğunu qeyd edib.
Niyə səhərlər risk artır
Həkimlərin izahına görə, yuxudan oyanarkən orqanizm aktiv vəziyyətə keçir və bu zaman adrenalin ifrazı artır. Bu da qan təzyiqini yüksəldir və qanın bir qədər daha "qatı” olmasına səbəb ola bilər.
Sağlam insanlarda bu proses problem yaratmır, lakin yüksək təzyiqi olan şəxslərdə risk artır.
Eyni zamanda səhər oyanma ilə birlikdə stress hormonu – kortizol səviyyəsi də yüksəlir. Bu isə ürək döyüntüsünü sürətləndirə və damarların daralmasına səbəb ola bilər.
Mütəxəssislər bildirirlər ki, sirkad ritm (bioloji saat) ürək-damar sistemini tənzimləyir. Yuxu zamanı ürək "bərpa rejimində”, gündüz isə daha aktiv vəziyyətdə olur. Bu ritm pozulduqda infarkt riski arta bilər.
Eyni zamanda həkimlər vurğulayırlar ki, infarkt yalnız səhər saatlarında deyil, günün istənilən anında baş verə bilər.
Aydın
Daha ətraflı məlumat və yeniliklər üçün ain.az saytını izləyin.
