Almaniya Bundesliqasının son illərdəki ən parlaq ulduzlarından biri olan "Bayer Leverkuzen"in cinah müdafiəçisi Alexandro Qrimaldo bu yay klubu tərk etməyə hazırlaşır.
Offsideplus.az xəbər verir ki, İspaniyalı sol bek üçün müəyyən olunan transfer qiyməti Avropa nəhənglərini hərəkətə keçirib.1
​Məlumata görə, "Bayer Leverkuzen" rəhbərliyi müqaviləsinin müddəti və oyunçunun yeni sınaqlara can atması səbəbindən onun satışına yaşıl işıq yandırıb. İspaniyalı müdafiəçinin cəmi 12 milyon avro qarşılığında sərbəst buraxıla biləcəyi iddia olunur. Bu məbləğ, Qrimaldonun son mövsümlərdəki yüksək məhsuldarlığı fonunda transfer bazarında "hədiyyə" kimi qiymətləndirilir.
​Təcrübəli müdafiəçi üçün Avropanın üç böyük klubu ciddi mübarizəyə başlayıb:
- ​"Barselona": Öz yetirməsini geri qaytarmaq istəyən Kataloniya klubu, Qrimaldonu sol cinahda rəqabəti artırmaq üçün ən yaxşı variant hesab edir.
- ​"Yuventus": İtaliya təmsilçisi heyətdə apardığı gəncləşdirmə və yeniləmə siyasəti çərçivəsində ispan oyunçunu əsas hədəflərindən biri seçib.
- ​"Milan": "Rossonerilər" də müdafiənin solunu gücləndirmək üçün Qrimaldo variantını masada saxlayır.
​Xabi Alonsonun rəhbərliyi altında "Bayer Leverkuzen"in çempionluğunda böyük pay sahibi olan Qrimaldo müdafiəçi olmasına baxmayaraq vurduğu qollar və etdiyi məhsuldar ötürmələrlə tanınır. Onun texniki bacarığı və standart vəziyyətlərdəki ustalığı onu transfer bazarının ən çox arzulanan oyunçularından birinə çevirib.
