Cənubi Koreyada xüsusi səlahiyyətli prokurorluq keçmiş prezident Yun Sok Yola keçmiş baş nazir Han Dak-sunun məhkəməsində "yalançı şahidlik" etdiyi iddiası ilə 2 il həbs cəzası tələb edib.
"Cebheinfo.az" xəbər verir ki, xüsusi səlahiyyətli prokuror Yunun 2024-cü ilin dekabrında hərbi vəziyyət elan etməzdən əvvəl topladığı Nazirlər Kabinetinin Hanın bu yöndəki təklifindən əvvəl planlaşdırıldığı təəssüratını yaratdığını bildirib.
Prokurorluq rəsmiləri Yunun Han və keçmiş müdafiə naziri Kim Yonq-hyun ilə birlikdə sözügedən iclasın ardından hərbi vəziyyət elanı ilə bağlı mətni hazırladığını irəli sürib. Onun barəsində "yalançı şahidlik" maddəsi ilə 2 il həbs cəzası istənilib.
Noyabrda Hanın məhkəməsində şahid qismində dindirilən Yuna, sözügedən iclasın hərbi vəziyyət elanını qanuniləşdirmək məqsədilə təşkil edilib-edilmədiyi soruşulub. Yun isə sualın yönləndirici olduğunu iddia edərək, Nazirlər Kabineti üzvlərinin "sadəcə görüntü yaratmaq üçün gətirilən şəxslər olmadığını" deyib.
Xüsusi prokurorluq yalançı şahidlik ittihamı ilə ittihamnaməyə daxil edilən Yunun başlanğıcda Nazirlər Kabinetinin iclasını keçirməyi planlamadığını, lakin vəziyyəti qanuniləşdirmək məqsədilə Hanın təklifi üzərinə bu addımı atdığını iddia edir.
