ain.az bildirir, Qaynarinfo portalına istinadən.
Avropa İttifaqının əhalisi 2029-cu ildə maksimum həddə çatdıqdan sonra azalmağa başlayacaq və 2100-cü ilə qədər təxminən 53 milyon nəfər azalacaq.
Qaynarinfo xəbər verir ku, bu barədə "Eurostat”ın proqnozunda deyilir.
Analitiklərin məlumatına görə, Aİ-də əhali azalması ilk dəfə 2021-ci ildə COVID-19 pandemiyası fonunda qeydə alınıb. Daha sonra artım bərpa olunub və yaxın üç il ərzində bu tendensiyanın davam edəcəyi gözlənilir. 2025-ci ildə birlik ölkələrində 451,8 milyon nəfər yaşayırdı.
Proqnozlara əsasən, əhali sayı 2029-cu ildə 453,3 milyon nəfərə çataraq pik həddə yüksələcək. Bundan sonra isə tədricən azalma başlayacaq. Əsrin sonuna doğru Aİ-də əhalinin sayı 398,8 milyon nəfərə düşəcək. Bunun təxminən 50%-ni əmək qabiliyyətli insanlar, 17%-ni isə uşaq və gənclər təşkil edəcək.
Eyni zamanda yaşlı əhalinin payının artacağı gözlənilir. 65–79 yaş arası insanların payı 17%, 80 yaşdan yuxarı olanların isə 10 faiz bəndi artacaq. Bu proqnozlar son demoqrafik məlumatların təhlilinə əsaslanır.
"2025-ci il üzrə əhali piramidası uzunömürlülüyün yüksək, ölüm səviyyəsinin aşağı, doğum göstəricilərinin isə zəif olduğunu göstərir”, deyə "Eurostat”ın hesabatında qeyd olunur.
Qurum əvvəllər də Aİ-də əhalinin qocalması tendensiyasını vurğulamışdı. Lakin hazırkı proqnoz ilk dəfə olaraq gənc və əmək qabiliyyətli əhalinin əhəmiyyətli dərəcədə azalmasını, eyni zamanda uzunömürlü insanların sayının kəskin artacağını göstərir.
Aydın
Sonrakı hadisələr barədə daha çox məlumat almaq üçün ain.az saytını izləyin.
