Roma Papası XIV Leo ABŞ Prezidenti Donald Trampın onun ünvanına səsləndirdiyi tənqidlərə münasibət bildirib.
AFP-nin xəbərinə görə, Əlcəzairə səfər edən XIV Leo Trampla polemikaya girmək istəmədiyini, bundan sonra da müharibəyə qarşı çıxışlarını davam etdirəcəyini deyib.
“Mən onunla (Trampla) polemikaya girmək istəmirəm. Mesaj eynidir - sülhü təşviq etmək”, – Roma Papası əlavə edib.
Qeyd edək ki, Tramp Roma Papasını ABŞ-ın müharibə ilə bağlı addımlarını dəstəkləmədiyi üçün tənqid edib.
“Əgər mən Ağ Evdə olmasaydım, Leo Vatikanda olmazdı. Təəssüf ki, Leonun cinayətkarlıq və nüvə silahları ilə bağlı zəif cəhətləri mənə xoş gəlmir”, - Tramp bildirib.
Tramp xüsusən Roma Papasının ABŞ-ın bəzi addımlarını dəstəkləməməsindən narazılığını dilə gətirib.
