İraq səfirliyinin müvəqqəti işlər vəkili Əhməd İsmayıl əl-Kəravi Bəhreyn Xarici İşlər Nazirliyinə çağırılıb.
Publika.az xəbər verir ki, İraq ərazisindən Bəhreynə və digər Körfəz ölkələrinə qarşı həyata keçirilən davamlı PUA (pilotsuz uçuş aparatları) hücumları, açıq təhdidlər qətiyyətlə pislənib və kəskin şəkildə qınanıb. Bu xüsusda diplomata etiraz notası təqdim edilib.
Qeyd olunub ki, Bəhreyn Krallığının öz təhlükəsizliyini təmin etmək və ərazilərini qorumaq üçün bütün zəruri tədbirləri görmək hüququnu özündə saxlayır.
