“Əgər ölkəmizin limanları təhlükə altına düşərsə, Fars və Oman körfəzlərində heç bir liman təhlükəsiz qalmayacaq”.
Bizim.Media xəbər verir ki, bu sözləri İranın “Xatəm əl-Ənbiya” mərkəzi qərargahının nümayəndəsi İbrahim Zülfəqari deyib.
Onun sözlərinə görə, bu məsələ “ya hamı üçün, ya da heç kim üçün” prinsipi ilə qiymətləndirilir.
Rəsmi nümayəndə ABŞ-ın beynəlxalq sularda gəmilərin hərəkətinə tətbiq etdiyi məhdudiyyətləri “piratlıq” kimi xarakterizə edib.
Qeyd edək ki, ABŞ Silahlı Qüvvələrinin Mərkəzi Komandanlığı 13 aprel Bakı vaxtı ilə saat 18:00-dan etibarən İran limanlarına daxil olan və çıxan bütün dəniz nəqliyyatının blokadaya alınacağını açıqlayıb.
Bizim.Media
