Qlobal neft bazarlarında İslamabaddakı sülh danışıqlarının uğursuzluqla bitməsi və Hörmüz boğazındakı gərginliyin artması nəticəsində əsl şok yaşanır.
Musavat.com xəbər verir ki, "Reuters" agentliyinin son məlumatına görə, "Brent" markalı neftin qiyməti son illərin rekordunu qıraraq 100 dollar həddini ötüb.
7%-lik kəskin artım: Cümə günü qeydə alınan cüzi azalmadan sonra, yeni həftənin ilk ticarət günündə "Brent" neftinin fyuçersləri 6,71 dollar (7,05%) bahalaşaraq bir barel üçün 101,9 dollar səviyyəsinə yüksəlib.
Sülh ümidlərinin iflası: Analitiklər qiymətlərin belə sürətlə qalxmasını ABŞ və İran nümayəndə heyətlərinin İslamabaddan nəticəsiz qayıtması və Donald Trampın "onlar qayıtmasa da olar" bəyanatı ilə əlaqələndirirlər.
Tədarük qorxusu: Hörmüz boğazının faktiki blokadası və Səudiyyə Ərəbistanının neft infrastrukturuna edilən hücumlar fonunda bazar iştirakçıları qlobal neft qıtlığının qaçılmaz olduğunu düşünürlər.
İnflyasiya təzyiqi: Neftin 100 dolları keçməsi artıq rekord həddə olan qlobal inflyasiyanı daha da alovlandıracaq. "Forbes"in də xəbərdarlıq etdiyi kimi, bu artım yanacaq və enerji xərclərini ev təsərrüfatları üçün dözülməz həddə çatdıra bilər.
Hazırda birjalarda "panika" mühiti hökm sürür. Ekspertlər xəbərdarlıq edirlər ki, əgər 21 apreldə atəşkəs rəsmən bitsə və hərbi əməliyyatlar bərpa olunsa, neftin qiyməti 120-130 dollar diapazonuna daxil ola bilər.
Musavat.com
