Bizim media saytından əldə olunan məlumata görə, ain.az məlumat yayır.
ABŞ-ın birinci xanımı Melaniya Tramp Ceffri Epşteynlə bağlı ittihamlara açıq reaksiya verərək bildirib ki, o, nə Epşteynin dostu olub, nə də məhz onun vasitəsilə Donald Trampla tanış olub. Melaniyanın sözlərinə görə, o, gələcək həyat yoldaşı ilə 1998-ci ildə Nyu-Yorkda keçirilən bir məclisdə tanış olub, Epşteynlə isə ilk dəfə yalnız 2000-ci ildə qarşılaşıb.Bizim.Media xəbər verir ki, bu barədə xarici KİV yazıb.Məqalədə qeyd olunur ki, bəyanat əks nəticə verib. Belə ki, Melaniya mövzunu bağlamaq istəsə də, əksinə, Tramp ailəsinin Epşteyn və onun yaxın çevrəsi ilə mümkün əlaqələri yenidən ictimai müzakirəyə çıxıb. Xüsusilə də Melaniyanın Epşteynin yaxın silahdaşı Ghislaine Maxwell ilə yazışmaları diqqət çəkib. Həmin yazışmalarda o, Epşteyn haqqında dərc olunan materialı müsbət ifadələrlə şərh edir.Eyni zamanda, 2002-ci ildə Donald Trampın Epşteyn barədə dediyi isti sözlər də yenidən gündəmə gətirilib.Bununla yanaşı, Melaniya Tramp Konqresi Epşteynlə əlaqəli digər nüfuzlu şəxslərin adlarını açıqlamağa çağırıb. Məqalə müəllifi hesab edir ki, bu addım Tramp üçün əlavə siyasi risk yaradır, çünki belə dinləmələr prezidentin istəmədiyi mövzuların yenidən geniş müzakirəsinə səbəb ola bilər.
Qalmaqal bununla bitməyib. Həmin gün sosial şəbəkədə Melaniyaya yönəlmiş sərt və təhdid dolu paylaşımlar yayılıb. Bu paylaşımların müəllifi ABŞ-dan deportasiya olunmuş braziliyalı keçmiş model Amanda Unqaro olub. O, uzun illər Tramp ailəsinin yaxın çevrəsində olmuş Paolo Zampolli ilə birlikdə yaşayıb və Melaniya ilə də uzunmüddətli tanışlığının olduğunu iddia edib. Unqaro açıq şəkildə bildirib ki, danışacağı çox şey var və susmaq fikrində deyil.
Məqalədə vurğulanır ki, Amanda Unqaro ilə Paolo Zampolli arasında son illərdə ciddi münaqişə yaşanıb. Unqaronun sözlərinə görə, onun immiqrasiya problemləri barədə ABŞ hakimiyyətinə məhz Zampolli məlumat verib. Hazırda isə o, həm ailəsindən, həm də əvvəlki həyatından məhrum edildiyini deyərək Tramp çevrəsinə qarşı açıq mübarizə aparmağa hazır olduğunu göstərir.Yazıda həmçinin qeyd olunur ki, Melaniya Trampın bu çıxışı jurnalist Maykl Volfla bağlı davam edən məhkəmə çəkişməsi fonunda baş verib. Volf iddia edir ki, Melaniya ilə Donald Trampın tanışlığında Epşteynin rolu olub. Məqalə müəllifi hesab edir ki, birinci xanımın son açıqlaması da məhz bu yeni hücumların qarşısını almaq cəhdi kimi görünür.
Bizim.Media
Ən son xəbərləri və yenilikləri almaq üçün ain.az saytını izləyin.
