ain.az bildirir, Banco.az saytına əsaslanaraq.
“Regional” BOKT MMC 2025-ci ili 215 min manat xalis mənfəətlə başa vurub. Bu, 2024-cü ildə qeydə alınan 192 min manat mənfəətlə müqayisədə təxminən 12.3% illik artım deməkdir.
Banco.az xəbər verir ki, BOKT-nin mənfəətin artmasının əsas səbəbi əməliyyat gəlirlərinin kəskin yüksəlməsidir.
2025-ci ildə əməliyyat gəlirləri 1.72 mln. manat təşkil edib ki, bu da 2024-cü ildəki 1.09 mln. manatla müqayisədə təxminən 58% artım deməkdir.
Digər tərəfdən, əməliyyat xərcləri də artaraq 1.17 mln. manatdan 1.61 mln. manata yüksəlib, yəni təxminən 38% artım qeydə alınıb.
BOKT-nin aktivləri 2025-ci ildə 6.59 mln. manat olub ki, bu da 2024-cü ildəki 4.64 mln. manatla müqayisədə təxminən 41.9% artım deməkdir.
Öhdəliklərə baxdıqda, ümumi öhdəliklər 4.71 mln. manat təşkil edib və bu göstərici illik 14% ətrafında artıb. Bank kreditləri 800 min manatdan 980 min manata yüksələrək 22.5% artım göstərib. Kreditor borclar isə 3.28 mln. manatdan 3.65 mln. manata qalxaraq təxminən 11.3% artıb.
Kapital isə nizamnamə kapitalının artırılması və bölüşdürülməmiş mənfəətin müsbət dinamikası hesabına 510 min manatdan 1.88 mln. manata yüksəlib və təxminən 3.7 dəfə artım nümayiş etdirib.
Ən son xəbərləri və yenilikləri almaq üçün ain.az saytını izləyin.
