Haland və Semenyo “Mançester Siti”nin çıxışına qiymət verdi

“Mançester Siti”nin norveçli mərkəz hücumçusu Erlinq Haland “şəhərlilər”in cari mövsümdəki nəticələrini qiymətləndirib.

Arena.az forvardın müvafiq açıqlamasını təqdim edir:

“Biz heç də rəvan mövsüm keçirmirik. “Mançester Siti” UEFA Çempionlar Liqasından kənarda qalıd. Bu, bizi xoşhal etmir. Amma qarşıda bizi digər oyunlar gözləyir”, deyə Haland vurğulayıb.

“Mançester Siti”nin qanalı cinah hücumçusu Antuan Semenyo da “şəhərlilər”in iddiasını açıqlayıb:

“Biz mümkün olduqca çoxlu oyunu qazanmaq istəyirik. Oyundan oyuna keçməklə, indi isə hər bir oyun – finaldır. Odur ki, mübarizəmizə davam etməli və yekunda nə alınacağına baxmalıyıq”, deyə Semenyo vurğulayıb.

Xatırladaq ki, “Mançester Siti” İngiltərə Premyer Liqasının cari mövsümündə keçirdiyi 30 oyunda 61 xal toplayıb və 20 iştirakçı arasında 2-ci pillədə qərarlaşıb. Rəqiblərindən bir oyun az keçirmiş Xosep Qvardiolanın komandası lider “Arsenal”dna 9 xal geri qalır.