İranın Küveytdəki bazaya hücumundan sağ çıxan ABŞ hərbçiləri Pentaqon rəhbəri Pit Heqsetin baş verənlər barədə yalan danışdığını ifşa ediblər.
Ölkə.Az xəbər verir ki, bu barədə CBS telekanalı məlumat yayıb.
“Müharibənin başlanğıcından bəri İranın Amerika qoşunlarına qarşı ən ölümcül hücumundan sağ çıxanlar Pentaqonun hadisə ilə bağlı təsvirinə etiraz ediblər. Onlar bildiriblər ki, altı hərbçinin həlak olduğu və 20-dən çoxunun yaralandığı vaxt Küveytdəki bölmələri təhlükəli vəziyyətdə qalıb”, — deyə nəşrdə qeyd olunur.
Onlar müdafiə nazirinin (mənbədə "müharibə naziri" kimi qeyd olunur) İran pilotsuz təyyarəsinin Küveytdəki bazanın müdafiə sistemindən "sızmağı" bacardığı barədə təsviri ilə razılaşmayıblar. Kanala danışan və zərbədən sağ çıxan şəxslərdən biri bildirib ki, bölmə özünümüdafiəyə hazır olmayıb, mövqe isə möhkəmləndirilməmişdi.
