Cebheinfo saytından əldə olunan məlumata görə, ain.az məlumat yayır.
Azərbaycan Mərkəzi Bankının lisenziyasının qüvvəsini məhdudlaşdırdığı "Atasığorta" ASC istisna olmaqla ölkədə fəaliyyət göstərən 15 sığorta şirkətinin məcmu aktivləri bu il yanvarın 1-nə 1 milyard 924,883 milyon manat təşkil edib.
"Report" xəbər verir ki, bu, ötən il yanvarın 1-nə nisbətən 3,4 % çoxdur.
2025-ci ildə sığortaçılardan 10-u aktivlərini artırıb, 5-i azaldıb.
Hesabat ilində sığorta şirkətlərinin məcmu uzunmüddətli aktivləri 14,5 % azalaraq 843,7 milyon manat, məcmu qısamüddətli aktivləri isə 23,6 % artaraq 1 milyard 81,183 milyon manat olub. 4 şirkət uzunmüddətli aktivlərini, 13 şirkət isə qısamüddətli aktivlərini artıra bilib.
Hesabat dövründə sığortaçıların məcmu öhdəlikləri 3,5 % artaraq 1 milyard 400,563 milyon manat təşkil edib. Sığortaçılardan 9-da öhdəliklər artıb, 6-da isə azalıb. O cümlədən, şirkətlərin məcmu uzunmüddətli öhdəlikləri 5,2 % artaraq 1 milyard 294,305 milyon manat, məcmu qısamüddətli öhdəlikləri isə 13,9 % azalaraq 106,258 milyon manat olub. 9 şirkət uzunmüddətli öhdəliklərini, 9 şirkət isə qısamüddətli öhdəliklərini artırıb.
Ötən il sığorta şirkətlərinin məcmu balans kapitalı 3,3 % artaraq 524,32 milyon manata çatıb, məcmu nizamnamə kapitalı dəyişməyərək 284,54 milyon manat qalıb. Bazar iştirakçılarından 9-u balans kapitalını artırıb.
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
