ain.az, Apasport portalına istinadən məlumat yayır.
Azərbaycan Cüdo Federasiyasının təşkilatçılığı ilə Abşeron Olimpiya İdman Kompleksində cüdo texnikaları üzrə imtahan keçiriləcək.
Apasport.az xəbər verir ki, U-14 və U-17 yaş kateqoriyalarını əhatə edəcək imtahanda müvafiq olaraq U-14 Liqa yarışının II turu və U-17 Liqa yarışının I turu üçün qeydiyyatdan keçmiş yeniyetmə cüdoçular iştirak edə biləcəklər.
İştirak könüllü xarakter daşıyır. Bununla yanaşı, imtahan nəticələrinin ümumi bala təsir etməsi üçün idmançıların yarışda və ya rəsmi çəki prosesində iştirak etməsi vacibdir. Çəki limitini 5 faizdən artıq aşan idmançıların imtahan nəticələri nəzərə alınmayacaq.
Qiymətləndirmə sisteminə əsasən, yarışda qazanılan xalların 70 faizi, imtahanda əldə olunan nəticələrin isə 30 faizi yekun bala əlavə ediləcək. Bu yanaşma yeniyetmə cüdoçuların həm texniki hazırlığının, həm də yarış performansının paralel şəkildə inkişafına xidmət edir.
Yevlax Olimpiya İdman Kompleksində cüdo zalı istifadəyə verilib
Daşkəsəndə müasir cüdo zalı istifadəyə verilib
Gəncədə cüdoçular üçün beynəlxalq təlim-məşq toplanışına start verilib
Azərbaycan yığması Avropa Kubokunu 24 medalla başa vurdu
Gəncədə cüdo üzrə Avropa Kubokunun açılış mərasimi keçirilib
Daha ətraflı məlumat və yeniliklər üçün ain.az saytını izləyin.
