Lent az portalından alınan məlumata görə, ain.az xəbər verir.
ABŞ-da tanınmış memarın qadınları, əsasən fahişəliklə məşğul olanları öldürən seriyalı qatil olduğu üzə çıxıb.
Lent.az xarici mediaya istinadla xəbər verir ki, Long-Aylenddən olan 62 yaşlı keçmiş memar Reks Hoyermann Nyu-York ştatında Gilqo-Biç ərazisində illər ərzində cəsədləri tapılan səkkiz qadının qətlində günahını etiraf edib.
İstintaqın məlumatına görə, hadisələr 1993–2010-cu illər arasında baş verib. Memar fahişəliklə məşğul olan qadınlarla tanış olur, onları boğaraq öldürür və daha sonra cəsədləri Gilqo-Biç, Manorvill və Sauthempton ərazilərinə atırmış. Ölənlərin əksəriyyəti seks işçiləri olub. Bəzi cəsədlər kisəyə bükülmüş vəziyyətdə tapılıb.
İstintaqla razılaşma çərçivəsində Reks FTB ilə əməkdaşlığa razılaşıb. Ona iyunun 17-də ömürlük həbs cəzası veriləcəyi gözlənilir.
Gilqo-Biç seriyalı qətlləri işi 10 ildən çox ABŞ-ın ən səs-küylü açılmamış cinayət işlərindən biri olub. 2022-ci ildə istintaqın yenidən başlanmasından sonra irəliləyiş əldə edilib: müstəntiqlər mobil telefon məlumatlarından, şahid ifadələrindən və atılmış pizza qabığında tapılan DNT-dən istifadə edərək Hoyermanna çıxıblar.
Hoyermann 2023-cü ilin iyulunda Manhettanın mərkəzində, memar kimi çalışdığı yerdə saxlanılıb. Həbs olunduğu vaxtdan bəri günahsız olduğunu iddia etsə də, indi günahını tam şəkildə etiraf edib.
Daha ətraflı məlumat və yeniliklər üçün ain.az saytını izləyin.
