Demokrat.az saytından alınan məlumata görə, ain.az bildirir.
Alimlər müəyyən ediblər ki, çedar pendirinin gündəlik qəbulu orqanizmdə K vitamini səviyyəsini artırmaqla yanaşı, xolesterin göstəricilərinə də müsbət təsir göstərə bilər. Araşdırmanın nəticələri Food & Function jurnalında dərc olunub.Tədqiqatda artıq çəkidən əziyyət çəkən və yaşı 50-dən yuxarı olan 60 nəfər iştirak edib. İştirakçılar 6 həftə ərzində hər gün 120 qram çedar pendiri qəbul ediblər. Araşdırma zamanı iki fərqli növ pendir müqayisə olunub: biri otlaqda bəslənən inəklərin südündən, digəri isə qarışıq yemlə qidalanan inəklərin südündən hazırlanıb.Nəticələr göstərib ki, çedar pendiri qəbul edən şəxslərdə K vitamini göstəriciləri yaxşılaşıb. Bu vitamin yalnız qanın laxtalanmasında deyil, həm də damarların və sümüklərin sağlamlığının qorunmasında mühüm rol oynayır. Maraqlıdır ki, tərkibində K vitamini daha çox olan pendirlə digər variant arasında ciddi fərq qeydə alınmayıb.Eyni zamanda lipid profili üzrə aparılan təhlil kişi və qadınlar arasında fərqli nəticələr ortaya qoyub. Belə ki, kişilərdə K vitamini daha yüksək olan pendirin qəbulu “yaxşı” xolesterin hesab edilən HDL səviyyəsinin artması ilə əlaqələndirilib. Qadınlarda isə bu məhsul ümumi xolesterin və “pis” xolesterin (LDL) səviyyəsinin azalması ilə müşahidə olunub.Araşdırma müəllifləri qeyd edirlər ki, çedar pendiri təkcə zülal və kalsium mənbəyi deyil, həm də ürək-damar sistemi və yağ mübadiləsinə müsbət təsir göstərə bilən K2 vitamini baxımından da əhəmiyyətli qida məhsuludur.İsmayıl
Demokrat.az
Hadisənin gedişatını izləmək üçün ain.az saytında ən son yeniliklərə baxın.
