Millimiz beynəlxalq turniri 21 medalla birinci yerdə bitirdi

Bakıda kişi və qadın boksçular arasında ənənəvi Böyük Ä°pək Yolu beynəlxalq turnirinin qalibləri müəyyənləşib. 6 gün davam edən yarışda 10 ölkənin 126 idmançısı qüvvəsini sınayıb.

Adalet.az xəbər verir ki, Boks Mərkəzində təşkil olunan turnir Azərbaycan millisi üçün uğurlu alınıb. Bu gün baş tutan final mərhələsinin ilk görüşündə Sübhan Mamedov (50 kiloqram) komanda yoldaşı Bilalhəbaşi Nəzərovla döyüşüb. Döyüş dünya çempionunun 5:0 (29:28, 30:27, 29:28, 29:28, 29:28) hesablı qələbəsi ilə yekunlaşıb.

Ardınca da həlledici mərhələdə Azərbaycan duelləri olub. Amin Məmmədzadə (55 kiloqram) Zəlimxan Süleymanova qalib gələrək qızıl medala yiyələnib. Tayfur Əliyev (60 kiloqram) – Məhəmmədəli Aşırəliyev və Malik Həsənov (65 kiloqram) – Zaur Qəhrəmanov qarşılaşmaları birincilərin aktivinə yazılıb.

90 kiloqramda Surət Qarayev Coşua Heskeni (Avstraliya) məğlub edib – 3:2 (30:27, 28:29, 28:29, 29:28, 29:28). Məhəmməd Abdullayev (+90 kiloqram) də komanda yoldaşlarının uğurunu davam etdirib. O, Aleksandr Şauya (Avstraliya) 3:2 (29:28, 29:28, 27:30, 30:27, 27:30) hesabı ilə qalib gələrək çəkisinin ən güclüsü olub.

Digər boksçularımızdan Seyid Seyidov (80 kiloqram) gümüş, Zidan Hünbətov (55 kiloqram), Məhəmmədəli Qasımzadə (60 kiloqram), Sərxan Əliyev (70 kiloqram), Səidcəmşid Cəfərov, Rasim Çobanlı (hər ikisi 75 kiloqram), Həsən Osmanlı (80 kiloqram), Murad Allahverdiyev (85 kiloqram), Səbuhi Əlizadə (+90 kiloqram), Günel Rəhimova (51 kiloqram) və Emili Rzayeva (65 kiloqram) bürünc medal qazanıblar.

Millimiz 21 (6 qızıl, 5 gümüş və 10 bürünc) medalla komanda hesabında birinci yeri tutub və Böyük Ä°pək Yolu kubokuna yiyələnib. Ä°kinci yerdə Qazaxıstan (3-5-7) qərarlaşıb, “üçlüy”ü Türkiyə (3-0-3) qapayıb.

Turnirdə ən yaxşı boksçu Bakberqen Aliaskarov (Qazaxıstan) seçilib. Raşid Benaiça (Əlcəzair) ən yaxşı hakim adına layiq görülüb.