ÇL-in 1/4 final mərhələsinə start verilir – ARENA.AZ

Bu gün futbol üzrə UEFA Çempionlar Liqasında (ÇL) 2025/2026-cı illər mövsümünün 1/4 final mərhələsinə start veriləcək.

Arena.az xəbər verir ki, ilk oyun günündə iki qarşılaşma baş tutacaq.

İspaniyanın “Real” (Madrid) komandası doğma meydanda Almaniya nəhəngi “Bayern”lə üz-üzə gələcək. İngiltərə Premyer Liqasının cari mövsümünün lideri “Arsenal” isə səfərdə Portuqaliyanın “Sportinq” komandasının qonağı olacaq.

Bu mərhələnin “Barselona” (İspaniya) – “Atletiko” (İspaniya) və PSJ (Fransa) – “Liverpul” (İngiltərə) oyunları sabah baş tutacaq.

Xatırladaq ki, ÇL-in 1/4 final mərhələsinin cavab oyunları aprelin 14-15-də keçiriləcək.

UEFA Çempionlar Liqası
1/4 final mərhələsinin ilk oyunları
7 aprel

23:00. Real (İspaniya) – Bayern (Almaniya)
23:00. Sportinq (Portuqaliya) – Arsenal (İngiltərə)