Klubdakı gələcəyi ilə bağlı qeyri-müəyyənliyin davam etməsi fonunda "Mançester Siti"nin rəhbərliyi baş məşqçi Pep Qvardiolanın gedişi halında alternativlər üzərində işləyir.
Fanat.Az xəbər verir ki, informasiyanı "The Telegraph" yayıb.
Mənbənin məlumatına görə, klub "Mançester Siti" ilə əlaqəsi olan və ya keçmişdə Qvardiolanın rəhbərliyi altında çalışmış Entso Mareska, Xabi Alonso və Vinsent Kompani kimi namizədlərdən birinə üstünlük verəcək.
Əvvəllər "Siti"də çalışmış Mareska klubun fəlsəfəsi ilə tanışdır, Alonso "Bayern"də Qvardiolanın rəhbərliyi altında oynamaq təcrübəsinə malikdir, hazırda "Bayern"ə rəhbərlik edən Kompani isə "Mançester Siti"nin əfsanəsidir.
Potensial varisin tapılması prosesinə klubun idman direktoru Huqo Viana cavabdehdir.
