Sportal.az saytından alınan məlumata görə, ain.az bildirir.
Madrid “Real”ının baş məşqçisi Alvaro Arbeloa UEFA Çempionlar Liqası 1/4 final mərhələsinin “Bavariya” ilə keçiriləcək ilk oyunla bağlı gözləntilərini bölüşüb.
Sportal.az AS nəşrinə istinadən xəbər verir ki, ispaniyalı mütəxəssis rəqibin yaxşı müvsüm keçirdiyini bildirib:
“Bavariya möhtəşəm mövsüm keçirir. Onların meydanda bizə hansı səviyyədə tələblər qoyacağını bilirik. “Bavariya” ilə qarşılaşmalarımız həmişə xüsusi olub. “Santyaqo Bernabeu” yenidən böyük Çempionlar Liqası gecəsini yaşayacaq. Rəqib çox yaxşı təşkil olunmuş komandadır. Onların oyun üslubu ilə taktiki sxemləri dərhal görünür. Onlar müdafiədə çox aqressiv çıxış edir və rəqibi çətin vəziyyətlərə salırlar. Bütün futbolçular arxada əla işləyir, topa sahib olanda isə cinahlarda istedadlı oyunçular hesabına təhlükə yaradırlar. Fikrimcə, "Bavariya" çox balanslı və bir çox güclü tərəflərə malik komandadır”.
Qeyd edək ki, "Real" - "Bavariya" qarşılaşması sabah keçiriləcək və Bakı vaxtı ilə saat 23:00-da start götürəcək. Komandalar arasındakı cavab görüşü isə ayın 15-də Münhendə baş tutacaq.
saytlarin hazirlanmasi
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
