İran bütün regionu cəhənnəmə çevirməklə hədələdi

Hər hansı bir eskalasiya regionda ciddi mənfi reaksiya ilə qarşılaşacaq.

"Unikal" xəbər verir ki, bu barədə İran Silahlı Qüvvələrinin Xatəm əl-Ənbiya Mərkəzi Qərargahının nümayəndəsi polkovnik-leytenant İbrahim Zülfüqari açıqlayıb. 

O, ABŞ və İsrailə xəbərdarlıq edib: "Unutmayın ki, təcavüzün genişlənməsi halında bütün region sizin üçün cəhənnəmə çevriləcək. İran İslam Respublikası üzərində qələbə illüziyası boğulacağınız bataqlığa dönəcək". 

Xatırladaq ki, ABŞ prezidenti Donald Tramp bundan əvvəl Hörmüz boğazının 48 saat ərzində açılmayacağı təqdirdə İranı hədələmişdi.

Ağarza Elçinoğlu