İtaliyanın Lampedusa adası sahillərində miqrantları daşıyan qayıq aşıb və 19 nəfər ölüb.
Musavat.com xəbər verir ki, bu barədə Il Messaggero qəzeti məlumat yayıb.
Məqalədə deyilir ki, 1 aprel gecəsi sahil mühafizəsi qayığı Siciliya sahillərindən təxminən 160 kilometr aralıda beynəlxalq sularda göyərtəsində 77 nəfər olan həddindən artıq dolu gəmi aşkar edib. Həmin vaxt bəziləri artıq ölüb.
Xilasetmə əməliyyatı səhər saat 3:00 radələrində Liviya xilasetmə xidmətlərinin məsuliyyət zonasında başlayıb. Növbəti on saat ərzində qayıq Lampedusa limanına çəkilərkən ölənlərin sayı artıb, insanlar xilasetmə qayığının göyərtəsində ölüblər.
19 qurbanın, demək olar ki, hamısının ölüm səbəbi ağır hava şəraiti - leysan yağış, güclü külək və aşağı temperatur (10°C-dən aşağı) ilə daha da ağırlaşan hipotermiya olub. Ölənlərin cəsədləri Lampedusadakı Cala Pisana qəbiristanlığındakı morqda aparılın.
Sağ qalan 58 nəfərdən yeddisi ağır hipotermiya və karbohidrogen buxarından zəhərlənmə əlamətləri ilə təcili xəstəxanaya yerləşdirilibş Onların arasında qadınlar da var.
Xatırladaq ki, son illərdə İtaliya sahillərinə yaxınlaşan 10-dan çox miqrant qayığı qəzaya uğrayıb, yüzlərlə insan ölüb.
Musavat.com
