BTB-dən başqa, fevral hesabatında bir neçə mühüm dəyişiklik diqqəti cəlb edir. Expressbank kəskin sıçrayış edərək yanvarda 0,98 indekslə 10-cu yerdən fevralda 3,01 indekslə 2-ci yerə yüksəlib. Bu artımın səbəbləri açıq şəkildə görünmür və ayrıca təhlil tələb edir. “Azər-Türk Bank” da ciddi pisləşmə nümayiş etdirib — yanvarda 0,81 olan indeks fevralda 2,78-ə yüksəlib və bank 15-ci pillədən 4-cü yerə qalxıb. Yanvar ayında 3,83 indekslə antireytinqə liderlik edən “AFB Bank” göstəricisini 2,95-ə qədər azaltsa da, hələ də “qırmızı zona”da qalır. Yanvarda rekord 6,89 indeks göstərən “Bank Avrasiya” fevral reytinqində ümumiyyətlə yer almayıb. Bu isə o deməkdir ki, ay ərzində həmin bankla bağlı Azərbaycan Mərkəzi Bankına heç bir şikayət daxil olmayıb. “PAŞA Bank” ənənəvi olaraq siyahının sonuncu pilləsində qərarlaşıb və 0,46 indekslə bütün banklar arasında ən yaxşı nəticəni göstərib. Növbəti mərhələ
“Bank BTB”-nin siyahıdan çıxması ilə Azərbaycan Mərkəzi Bankının növbəti hesabatlarında reytinq bir bank az olacaq. 14 ay üzrə şikayət indeksinin ətraflı təhlili, hər bir bank üzrə ayrıca icmal, ümumi cədvəl və əsas nəticələrlə birlikdə geniş analitik materialımızda təqdim olunub. First News Intelligence Unit (FNIU) — 1news.az redaksiyasının Azərbaycan maliyyə sektoru və iqtisadiyyatı üzrə ixtisaslaşmış analitik bölməsidir.
