Cebheinfo saytından alınan məlumatlara görə, ain.az xəbər verir.
İran İslam İnqilabı Keşikçiləri Korpusu (SEPAH), "Birləşmiş Ərəb Əmirliklərində (BƏƏ) Amerika hərbçilərinin toplanma yerlərini, Bəhreyndəki Manama hava limanı ətrafında yerləşdirilən müdafiə sistemlərini və ABŞ qüvvələrinin Küveytdə yerləşdiyi Əhməd əl-Cabir hava bazasındakı erkən xəbərdarlıq radarlarını raket və silahlı pilotsuz uçuş aparatları ilə hədəf aldığını" bəyan edib.
"Cebheinfo.az" xəbər verir ki, İnqilab Keşikçiləri Korpusu (SEPAH) ABŞ-İsrail hücumlarına qarşı başladılan "Sadiq Vədə 4 Əməliyyatı"nın 88-ci dalğası çərçivəsində İsrail və ABŞ hədəflərinə yeni hücumlar təşkil edildiyini açıqlayıb.
Açıqlamaya əsasən, İrana edilən hücumlarda həyatını itirən İnqilab Keşikçiləri Hərbi Dəniz Qüvvələrinin komandanı kontr-admiral Əli Rza Tengsiriyə ithaf edilən 88-ci dalğa əməliyyatlarında Bəsrə körfəzində İsraillə əlaqəli bir konteyner gəmisi ballistik raketlərlə vurulub.
Hücumların davamında, Amerika dəniz piyadalarının BƏƏ sahilindəki toplanma nöqtəsi ilə Bəhreynin paytaxtı Manamadakı hava limanında hücum dronlarına qarşı yerləşdirilən sistemlərin pilotsuz uçuş aparatları ilə hədəf alınaraq məhv edildiyi iddia olunub.
Küveytdəki Cabir əl-Əhməd bazasının hədəf alındığı hücumlarda da iki erkən xəbərdarlıq radarının vurulduğu bildirilib. Hücum dalğasının hazırda davam etdiyi barədə məlumat verilib.
Nigar Hacılı
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Hadisənin gedişatını izləmək üçün ain.az saytında ən son yeniliklərə baxın.
