Dağıstan parlamentinin üzvləri könüllülərlə birlikdə Mahaçqalada təbii fəlakət qurbanlarına 100-dən çox ərzaq bağlaması çatdırıblar.
Redaktor.az bu barədə TASS-a parlament üzvü Marat Əliyarov bildirib.
"Dağıstan Respublikası Parlamentinin sədr müavini Kamil Maqomedoviç Davdiyev və könüllülərlə birlikdə daşqından zərər çəkmiş Mahaçqala sakinlərinə şəxsən 100-dən çox ərzaq bağlaması çatdırdıq. Bunlara zəruri əşyalar və 300-dən çox içməli su şüşəsi daxil idi. İnsanlar təxliyə edilərək daha təhlükəsiz yerlərə köçürülüb", - Əliyarov bildirib.
Daha əvvəl Mahaçqala meri Cambulat Salavov narahat vətəndaşları könüllülərə kömək etməyə çağırmışdı.
Dağıstanda yağan güclü yağışlar genişmiqyaslı elektrik və su kəsintilərinə, daşqınlara və nəqliyyatda fasilələrə səbəb olub. Mahaçqala və Xasavyurt rayonunda fövqəladə vəziyyət, eləcə də bütün bölgədə yüksək hazırlıq vəziyyəti elan edilib.
Aminə ŞAHSUVARQIZI
