İranın Ali Lideri Müctəba Xamenei təhlükəsizlik səbəbləri ilə ictimaiyyət qarşısına çıxmır, lakin vəzifələrini yerinə yetirməyə davam edir.
Azreform.info -ın CNN-ə istinadən məlumatına görə, İranın BMT-dəki daimi nümayəndəsi Əli Bəhreyni bu açıqlamanı verib.
Diplomatın sözlərinə görə, ictimaiyyət qarşısına çıxmaqdan imtina hazırkı vəziyyətlə bağlıdır. "Onun ictimaiyyət qarşısında olmamasının səbəbi təhlükəsizliklə bağlı narahatlıqlardır", - Bəhreyni bildirib.
Bu arada mənbələr iddia edir ki, kəşfiyyat rəsmiləri ABŞ prezidenti Donald Tramp üçün qapalı brifinqlər zamanı İran liderinin yoxluğunu dəfələrlə müzakirə ediblər. ABŞ rəsmilərindən birinin sözlərinə görə, Ağ Evin milli təhlükəsizlik qrupu Tehrandakı vəziyyəti kimin faktiki olaraq idarə etdiyini müəyyən etməyə çalışır.
Sonuncu dəfə Birləşmiş Ştatların prezidenti bildirib ki, İranın ali lideri artıq yoxdur: "Oğlu ya ölüb, ya da ağır yaralanıb".
