Demokrat.az saytına istinadən ain.az xəbər verir.
Qatıq istehlakının insan orqanizminə təsiri yalnız onun tərkibi ilə bitmir. Aparılan son araşdırmalar göstərir ki, bu qidanın yeyilmə vaxtı həzm sistemindən tutmuş enerji balansına qədər bir çox prosesə birbaşa təsir edir.Ekspertlərin rəyinə görə qatıq günün hər saatında yeyilə bilsə də, maksimum fayda üçün səhər saatları daha məqsədəuyğundur. Bunun əsas səbəbi həzm sisteminin oyandıqdan sonra ən aktiv fazada olmasıdır. Səhər saatlarında artan mədə turşusu və fermentlər qatığın tərkibindəki faydalı probiotiklərin bağırsaqlara daha sürətli çatmasına şərait yaradır.2025-ci ildə həyata keçirilən tədqiqatlar da maraqlı faktları üzə çıxarıb. Məlum olub ki, səhər saatlarında qəbul edilən qıcqırdılmış süd məhsulları insulin həssaslığını artırır. Bu isə gün ərzində qan şəkərinin balansda qalmasına və maddələr mübadiləsinin sürətlənməsinə kömək edir.Səhər yeyilən qatıq həm də uzunmüddətli toxluq hissi yaradır. Tərkibindəki zülallar sayəsində qəfil aclıq hissinin qarşısını alan bu qida gün boyu enerji səviyyəsini qorumağa imkan verir. Beləliklə bağırsaq florası günün erkən saatlarından etibarən tənzimlənir və ümumi sağlamlığa müsbət təsir göstərir.İsmayıl
Demokrat.az
Daha ətraflı məlumat və yeniliklər üçün ain.az saytını izləyin.
