Oxumeni.az saytından alınan məlumatlara görə, ain.az xəbər verir.
İran hakimiyyəti düşmən hesab edilən ölkələrə idman komandalarının səfərlərini qadağan edib
İranın İdman Nazirliyi milli və klub idman komandalarına düşmən hesab edilən ölkələrə səfərləri qadağan edib. Oxuməni.az xəbər verir ki, bu barədə Reuters məlumat yayıb.
Məhdudiyyətlər "gələcək bildirişə qədər" qüvvədə olacaq. Qeyd olunur ki, bu addım İran idmançılarının təhlükəsizliyi ilə bağlı narahatlıqlar səbəbindən atılıb. Konkret ölkələrin adları çəkilmir.
Nazirliyin mətbuat xidmətinin yaydığı bəyanatda deyilir: "Düşmən hesab edilən və İran idmançılarının və komanda üzvlərinin təhlükəsizliyini təmin edə bilməyən ölkələrə milli və klub komandalarının səfərləri gələcək bildirişə qədər qadağandır".
Fevralın sonunda İsrail və ABŞ silahlı qüvvələri İran ərazisinə zərbələr endirib və İslam respublikasına qarşı hərbi əməliyyatın başladığını bəyan ediblər. İranın İdman Naziri Əhməd Donyamali bildirib ki, ölkənin yığma komandası 2026-cı il dünya çempionatında iştirak etməyəcək. Daha sonra ABŞ prezidenti Donald Tramp qeyd edib ki, İran yığmasını turnirdə görməkdən məmnun olacaqlar, lakin onun təhlükəsizliyi ilə bağlı narahatlığını ifadə edib. Həmçinin, İran tərəfinin Beynəlxalq Futbol Federasiyası (FIFA) ilə komandanın oyunlarının Meksikaya köçürülməsi ehtimalını müzakirə etdiyi barədə məlumat verilib.
Püşkatmaya əsasən, İran yığması 2026-cı il dünya çempionatının qrup mərhələsində Yeni Zelandiya, Belçika və Misir komandaları ilə oynayacaq, bütün oyunlar ABŞ ərazisində planlaşdırılıb.
Almaz Həsənli
Daha ətraflı məlumat və yeniliklər üçün ain.az saytını izləyin.
