Qafqazinfo portalından alınan məlumata görə, ain.az xəbər verir.
“Maastrixt mühasirəsi” zamanı həyatını itirən əfsanəvi qaskoniyalı zadəgan Şarl de Batz de Kastelmorun (Dartanyan) ilə bağlı mühüm tapıntı əldə olunub.
“Qafqazinfo” “Euro News”a istinadən xəbər verir ki, tapıntı fevral ayında baş verən qismən döşəmə çökməsindən sonra aparılan bərpa işləri zamanı üzə çıxıb.
Dəfn olunmuş skeletin yanında aşkar edilən fransız sikkəsi isə 28 ildir davam edən axtarışın sona çatdığına dair ən güclü sübut hesab olunur.
Dartanyan kimi tanınan Şarl de Batz de Kastelmor XVII əsrdə XIII Lüdovik və XIV Lüdovik dövründə Fransa kralına xidmət edib.
Qaskoniyalı əsilli bu zadəgan daha sonra Aleksandr Düma tərəfindən yaradılan məşhur obrazın əsas ilham mənbəyinə çevrilib və dünya ədəbiyyatında əfsanəvi qəhrəman kimi tanınıb.
Tarixi mənbələrə görə, Dartanyan 1673-cü ildə “Maastrixt mühasirəsi” zamanı həlak olub. Lakin onun harada dəfn edildiyi bu günə qədər məlum deyildi.
Tapılan skeletin yerləşdiyi yer də diqqət çəkir. Məlumata görə, skelet kilsədə altarın (sunağın) altında yerləşən hissədə aşkarlanıb ki, bu cür yerlərdə yalnız çox önəmli şəxslər dəfn olunurdu.
Skelet analiz üçün laboratoriyaya göndərilib və artıq DNA nümunələri üzərində tədqiqatlar aparılır. Nəticələrin yaxın vaxtlarda açıqlanacağı gözlənilir.
Hadisənin gedişatını izləmək üçün ain.az saytında ən son yeniliklərə baxın.
