Oxu.az portalından alınan məlumata görə, ain.az xəbər verir.
Banqladeşin mərkəzindəki Padma çayına sərnişin avtobusu aşıb. Hadisə nəticəsində ən azı 25 nəfər həyatını itirib.
Oxu.Az-ın xəbərinə görə, bu barədə "The Daily Star" nəşri məlumat verib.
Məlumata görə, içində 40-a yaxın sərnişinin olduğu avtobus pontonda dayandığı (suda ağır yüklərin üzərində dayanması üçün istifadə edilən üzən vasitə - red.) və bərəyə minik gözlədiyi zaman çaya düşüb. 11 sərnişin sərbəst şəkildə sahilə çıxa bilib.
Xilasedicilər qəzadan 6 saat sonra avtobusu çayın dibindən çıxara biliblər. Hazırda ölən 25 nəfərdən 23-nün şəxsiyyəti müəyyənləşdirilib. Ölənlər arasında qadınlar və uşaqlar var.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
