ain.az, Demokrat.az saytından verilən məlumata əsaslanaraq xəbər yayır.
Stolüstü oyunlar sadəcə xoş vaxt keçirmək vasitəsi deyil, həm də beynin koqnitiv sağlamlığını qorumaq üçün effektiv üsuldur. Nevroloq Marianna Cikiya bildirir ki, müntəzəm oyun vərdişi yaddaşı gücləndirir, diqqəti artırır və yaşla bağlı dəyişiklikləri ləngidir.Demokrat.az xəbər verir ki, həkimin sözlərinə görə, oyun zamanı neyronların fəaliyyəti aktivləşir və beyində "koqnitiv rezerv" formalaşır. Bu rezerv nə qədər zəngin olarsa, beyin yaşlaşma prosesinə qarşı bir o qədər dözümlü olur. Məsələn, şahmat və dama kimi klassik oyunlar eyni anda bir neçə funksiyanı işə salır. Bu prosesdə planlaşdırma və nəzarətə cavabdeh olan alın payı aktivləşir, məkan təfəkkürü inkişaf edir.Yaddaş və diqqətə yönəlmiş "Mərcan" (Mahjong) və "Memo" kimi oyunlar isə beynin hipokamp hissəsini stimullaşdırır. Məhz bu nahiyə qısamüddətli yaddaşın uzunmüddətli yaddaşa keçməsinə cavabdehdir və neyrodegenerativ xəstəliklər zamanı ilk zərər görən hissədir. Söz oyunları isə nitqin rəvanlığını qorumağa kömək edir, yaşlaşdıqca söz tapmaqda yaranan çətinliklərin qarşısını alır.Hətta poker və preferans kimi kart oyunları da məntiqi analiz və strateji təfəkkür tələb etdiyi üçün faydalı hesab olunur. Nevroloq vurğulayır ki, bu oyunlardan maksimum fayda görmək üçün onlar epizodik deyil, müntəzəm xarakter daşımalıdır.İsmayıl
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
