ain.az bildirir, Modern.az saytına əsaslanaraq.
İqtisadi inkişaf və artım ölkələrin qlobal mövqeyini gücləndirsə də, onların irsi əsas fərqləndirici amillərdən biri olaraq qalır. Bir ölkənin mədəni irsi onun zəngin tarixinin və keçdiyi çətin mərhələlərin izlərini əks etdirir və bu da dünyanın müxtəlif yerlərindən turistləri cəlb edən əsas amillərdəndir.
Modern.az xəbər verir ki, bu yöndə araşdırma aparan “CEOWORLD” jurnalının 2025-ci il üzrə mədəni təsir hesabatı yayımlanıb.
Bu reytinq dünya üzrə zəngin mədəni irsi ön plana çıxararaq, incəsənətə, tarixə və ənənələrə təsir göstərməyə davam edən ölkələri vurğulayır.
“CEOWORLD” jurnalının 2025-ci il üzrə açıqladığı reytinqdə dünyanın 197 ölkəsinin mədəniyyət və tarixi irsə təsir gücü müəyyənləşib. Siyahıya zəngin tarixi və incəsənət ənənələri ilə tanınan İtaliya başçılıq edir. Yunanıstan və Misir isə ilk üçlüyü tamamlayır.
Reytinqə əsasən, Çin dördüncü yeri tutur və Hindistanı geridə qoyaraq önə çıxır. Fransa altıncı yerdə mövqeyini qoruyur, İraq isə yeddinci sırada yer alır. İlk onluğu İsrail səkkizinci, İran doqquzuncu və Türkiyə onuncu yerlə tamamlayır.
Azərbaycansa bu siyahıda 77-ci yerdə qərarlaşıb. Bu nəticə ölkənin zəngin tarixi, mədəni irsi və multikultural dəyərlərinin beynəlxalq səviyyədə necə tanındığını göstərir. Ümumilikdə isə ölkəmiz 100 üzərindən 74,12 balla qiymətləndirilib. Qeyd edək ki, bu bal siyahıda birinci yerdə duran İtaliyada 97,98-dir.
Region ölkələriSiyahıda xüsusilə Cənubi Qafqaz və Mərkəzi Asiya ölkələrinin mövqeyi diqqət çəkir. Azərbaycan 77-ci yerdə qərarlaşdığı halda Gürcüstan 89-cu, Ermənistan isə 33-cü sırada yer alıb.
Reytinqdə türk dövlətlərinin də mövqeyi xüsusi maraq doğurur. Türkiyə 10-cu yerdə qərarlaşaraq ilk onluğa daxil olub və zəngin Osmanlı və Anadolu irsi ilə seçilib.
Mərkəzi Asiya ölkələrindən Özbəkistan 61-ci, Qazaxıstan 67-ci, Türkmənistan 78-ci yerdə yer alıb. Qırğızıstan isə siyahıda yer almayıb.
MDB ölkələrinin mövqeyi
Siyahıda keçmiş Sovet məkanına daxil olan bir sıra ölkələr də yer alıb. MDB ölkələri arasında ən yüksək nəticəni Rusiya göstərib. Bu ölkə 19-cu yerdə qərarlaşıb. Digər ölkələrin sıralaması isə belədir:
Ermənistan – 33-cü yer
Ukrayna – 54-cü yer
Qazaxıstan – 67-ci yer
Azərbaycan – 77-ci yer
Türkmənistan – 78-ci yer
Tacikistan – 83-cü yer
Belarus – 87-ci yer
Müharibə və münaqişə şəraitində olan ölkələrReytinqdə hazırda müxtəlif səviyyələrdə münaqişə və ya hərbi gərginlik yaşayan ölkələrin də mövqeyi yer alır.
Bu ölkələr arasında ən yüksək pillədə olan İsrail 8-ci yerdədir. Digər ölkələr isə aşağıdakı kimi sıralanıb:
İsrail – 8-ci yer
İran – 9-cu yer
Rusiya – 19-cu yer
Ukrayna – 54-cü yer
Suriya – 32-ci yer
Yəmən – 79-cu yer
Liviya – 72-ci yer
Siyahının son 10-luğuReytinqin son pillələrində qərarlaşan ölkələr Afrika, Asiya və Avropa regionlarını əhatə edir. Son 10-luq belə formalaşıb:
Mali – 70.44 bal
Monteneqro – 70.35 bal
Albaniya – 70.26 bal
Nepal – 70.07 bal
Kosta Rika – 69.66 bal
Bəhreyn – 68.74 bal
Kipr – 68.47 bal
Laos – 67.97 bal
Latviya – 67.83 bal
Malta – 67.73 bal
Qeyd edək ki, siyahının sonuncu pilləsində yer alan Malta belə 67 baldan yuxarı nəticə göstərib ki, bu da qlobal mədəni irs baxımından ölkələr arasında fərqlərin çox böyük olmadığını göstərir.
Sonrakı hadisələr barədə daha çox məlumat almaq üçün ain.az saytını izləyin.
