BAKI, TurkicWorld
İstanbul və Yalovada terror təşkilatı İŞİD-ə qarşı keçirilən əməliyyatda 9 şübhəli nəzarətə alınıb.
TurkicWorld xəbər verir ki, İstanbul Terrorla Mübarizə Şöbə Müdirliyinin qrupları, İstanbul Respublika Baş Prokurorluğunun koordinasiyası ilə terror təşkilatı İŞİD-in fəaliyyətlərinin qarşısının alınması və deşifrə edilməsi istiqamətində araşdırmalar aparıb.
Bu çərçivədə, terror təşkilatı adından fəaliyyət göstərənlərin ailələrinə pul köçürən şübhəlilərin şəxsiyyəti və ünvanları müəyyən edilib.
İstanbul və Yalovada keçirilən eyni vaxtlı (sinxron) əməliyyatda yaxalanan 9 şübhəli lazımi prosedurlar üçün polis idarəsinə aparılıb.
