İsrail mediasında ABŞ-nin İranla gizli danışıqlar apardığı, hətta bu prosesdə əsas fiqurun parlament sədri Məhəmməd Baqir Qalibaf olduğu barədə iddialar yayılıb. Donald Tramp da “yüksək səviyyəli bir rəsmiylə” təmas qurulduğunu bildirmişdi.
Musavat.com xəbər verir ki, İran tərəfi bu məlumatlara dərhal reaksiya verərək iddiaları qəti şəkildə təkzib edib.
Qalibaf açıqlamasında bildirib ki, ABŞ ilə heç bir müzakirə aparılmayıb. Onun sözlərinə görə, yayılan bu cür xəbərlər maliyyə və neft bazarlarını manipulyasiya etmək, həmçinin ABŞ və İsrailin düşdüyü çətin vəziyyətdən çıxmaq məqsədi daşıyır.
Musavat.com
