İngiltərə Premyer Liqasında gözlənilən nəticələri verə bilməyən "Tottenhem"də baş məşqçi postu ilə bağlı yeni iddialar ortaya çıxıb.
Fanat.Az "The Telegraph" nəşrinə istinadən xəbər verir ki, London klubu müvəqqəti baş məşqçi İqor Tudoru istefaya göndərəcəyi təqdirdə onu Adi Hütterlə əvəzləməyi düşünür.
Avstriyalı mütəxəssis son olaraq "Monako"da çalışıb və komandanı Fransa çempionatında ikinci pilləyə qədər yüksəltməyi bacarıb. Hazırda beynəlxalq fasilə olduğu üçün "Tottenhem" rəhbərliyinin qərar vermək üçün aprelin 12-nə qədər kifayət qədər vaxtı var.
Klub rəhbərliyi Hütterin oyun fəlsəfəsinin komandaya yeni nəfəs gətirəcəyinə və uğursuz seriyaya son qoyacağına inanır. Yaxın günlərdə rəsmi təyinatla bağlı klubdan açıqlama gözlənilir.
