Lənkəranda avtomobil suötürücü kanala aşıb.
NOCOMMENT.az -ın Cənub bürosunun verdiyi xəbərə görə, hadisə Lənkəran-Lerik magistralında, Lənkəran rayonunun Qurumba kəndi ərazisində qeydə alınıb.
Lənkəran şəhəri istiqamətində hərəkətdə olan “Audi Q-7” markalı minik avtomobili idarəetməni itirərək yol kənarında qaz borusuna çırpılıb və avtomobil suötürücü kanala aşıb.
Qəza nəticəsində avtomobildə olan 6 nəfər yaxın qohumlar –
1953-cü il təvəllüdlü Yelena İvan qızı Qurbanova,
2019-cu il təvəllüdlü R.Qurbanov,
1981-ci il təvəllüdlü Ruslan Fərman oğlu Qurbanov,
2014-cü il təvəllüdlü F.Qurbanov,
1988-ci il təvəllüdlü Günel Cahangir qızı Qurbanova,
1973-cü il təvəllüdlü Maya Əbdüləzim qızı Hüseynova müxtəlif dərəcəli bədən xəsarətləri alaraq Lənkəran rayon mərkəzi xəstəxanasının təcili yardım şöbəsinə hospitalizasiya olunublar.
Xəsarət alanlara ilkin tibbi xidmətlər göstərildikdən sonra, müalicələrin davamı üçün müvafiq şöbələrə yerləşdiriliblər.
Faktla bağlı araşdırma aparılır.
